სიმშვიდის ლაბორატორია

სიმშვიდის ლაბორატორია — ეპიზოდი 10 — დათო სუბელიანი ადიქციისგან გათავისუფლების ისტორიას გვიყვება

მახსოვს, რომ 21 ნოემბერი იყო, როცა მივიღე იბოგა, რომელმაც არჩევანის თავისუფლება დამიბრუნა — გვიყვება ადიქტოლოგი დათო სუბელიანი, რომელიც წლების განმავლობაში ებრძოდა სხვადასხვა ადიქციას. სიმშვიდის ლაბორატორიის ეს ეპიზოდი პასუხს რამდენიმე კითხვას სცემს: როგორ მივხვდეთ, რომ პრობლემა გვაქვს, რა შეუძლიათ გააკეთონ ახლობლებს ასეთ დროს და რა მეთოდები არსებობს ადიქციისგან გასათავისუფლებლად საქართველოში

 

 

 

 

 

სიმშვიდის ლაბორატორია — ეპიზოდი 09 — როგორ მივაღწიოთ დასახულ მიზნებს ამ წელს მაინც

 

ამ საახალწლო ეპიზოდში წამყვანებმა დროებით გვერდით გადადეს შფოთვა, დეპრესია და ათასი სხვა უბედურება და კონცენტრირდნენ მომავალზე, კონკრეტულად კი იმაზე, თუ როგორ მივაღწიოთ მიზნებს 2022 წელს მაინც.

სტუმრები: ბესარიონ სათნო და გვანცა (პერწო) პერტია.

სიმშვიდის ლაბორატორია — ეპიზოდი 07 — რას გვიშვრებიან ლაიქები, დაგულვები და ფილტრები?

სიმშვიდის ლაბორატორიის ამ სერიაში ვსაუბრობთ სოციალური მედიის გავლენაზე ჩვენს მენტალურ ჯანმრთელობაზე: ვის და რატომ ვადარებთ თავებს და რატომ განვიცდით, რომ სოციალური მედიისთვის საკმარისად კარგები არ ვართ? პარალელურად, ტიკტოკსაც გადავწვდით და On.ge-ის ქომიუნითი მენეჯერთან, გაბისთან ერთად ვიტიკტიკეთ ტიკტოკზე (ხო მაგრა ჩავახუჭუჭეთ ესა?!) 

სიმშვიდის ლაბორატორია — ეპიზოდი 05 — რატომ გვიყვარდება ”ცუდი” ადამიანები

მიჯაჭვულობის სტილი, რომელიც ჩვენი ცხოვრების ლამის პირველივე წელს წყდება, დიდობაში ჩვენს ურთიერთობებს განსაზღვრავს. რატომ არის, რომ ზოგი ადამიანი მარტივად პოულობს სიყვარულს, ზოგი კი ერთი მეორეზე ცუდ პარტნიორს ირჩევს? (ასევე გაიგეთ, რომელ ტიპს მიეკუთვნებიან პოდკასტის წამყვანები)

მიჯაჭვულობის თეორიის შესახებ: youtu.be/WjOowWxOXCg @Sprouts

სიმშვიდის ლაბორატორია — ეპიზოდი 04 — მენტალური ჯანმრთელობა სერიალებში

რას გვასწავლიან და ვერ გვასწავლიან ცნობილი სერიალები მენტალური ჯანმრთელობის შესახებ?

სიმშვიდის ლაბორატორია — ეპიზოდი 04 — ნიკო ნერგაძე მენტალური ჯანმრთელობის შესახებ

პოდკასტების ქროსოვერი: ნიკო ნერგაძესთან ერთად ვლაპარაკობთ მენტალურ ჯანმრთელობაზე, ე.წ ქუჩის აკადემიაზე, ადიქციებზე და ათას სხვა რამეზე. ამ პოდკასტიდან გაიგებთ: რომელი უფრო მარტივად იწვევს შეჩვევას, ჰეროინი თუ სუბოტექსი, როგორ ვიურთიერთოთ თინეიჯერ შვილებთან და რა ხდებოდა 90-იანების დისკოტეკებზე.

 

 

 

 

 

სიმშვიდის ლაბორატორია — ეპიზოდი 03 — ცხოვრება დაბალ თვითშეფასებასთან ერთად

სიმშვიდის ლაბორატორიის ამ ეპიზოდში წამყვანები სტუმართან, სთენდაფ-კომიკოს ანა სიხარულიძესთან საუბრობენ დაბალ თვითშეფასებაზე და იუმორზე, როგორც ცხოვრებისეულ პრობლემებთან გამკლავების მეთოდზე.

რატომ ვშფოთავთ და რა მოვუხერხოთ ამ ამბავს? — ეპიზოდი 02

ამ ეპიზოდში ვსაუბრობთ შფოთვაზე, მის ფორმებსა და მასთან გამკლავების გზებზე, მსმენელების კითხვებს კი ფსიქოლოგი ანა ღვინიანიძე პასუხობს. 

სიმშვიდის ლაბორატორია — ეპიზოდი 01 – მენტალური ჯანმრთელობა ჟამიანობის დროს

სიმშვიდის ლაბორატორია ყოველკვირეული პოდკასტია, სადაც წამყვანები, ანინა ტეფნაძე და ნინიკო ლეკიშვილი საუბრობენ მენტალურ ჯანმრთელობაზე. პირველი ეპიზოდი პანდემიისას გამწვავებულ პრობლემებს ეხება